sábado, 25 de marzo de 2017

BAMBI

BAMBI



1985 Walt Disney Productions. Editorial: Everest, S.A. Carretera León - La Coruña, km 5- LEÓN.
Texto e ilustración: F. Capdevila , (ISBN: 84-241-5580-7). TERCERA EDICIÓN.




Breve descripción do formato e contido da obra: O libro está presentado entre unhas pastas duras de cartón. Na cuberta principal do libro aparece o título do libro e unha imaxe do protagonista da historia.
En canto á narración do conto, e bastante breve. Conta con 24 páxinas nas que a historia se reflicte con imaxes acompañada dun pequeno texto. As imaxes ocupan máis da metade das follas e atópanse en todas as páxinas do libro.
As letras son de un tamaño máis ou menos mediano e ocupan pouco menos da metade da lámina. Tamén se repiten en todas as páxinas do conto.




 A maior parte da historia está narrada en terceira persoa. Contén algúns diálogos nos que o protagonista do conto, Bambi, tamén fala cos seus amigos e ca súa nai.
Bambi e un pequeno cervatillo que naceu cos primeiros raios de sol que iluminaban o bosque. Tan pronto como bambi comeza e aprende a dar os seus primeiros pasos, comeza a xogar cos seus novos amigos, Tambor, o coello xoguetón, Flor, a tímida e adorable mofeta... Pero a diversión de patinar sobre un lago xeado, de mordisquear as flores do bosque e de xoguetear entre as árbores será soamente o principio de un longo aprendizaxe. Guiado por o seu amigo o Buho, Bambi aprenderá leccións sobre o valor do amor, a perdida de seres queridos, da madurez, e, en definitiva, de seguir adiante co camiño que marca a vida.

Potencialidades: Considero que é un libro bastante interesante para os máis pequenos, xa que os enseña a resolver diferentes situacións da vida.
Tamén respecto as imaxes do texto creo que están moi ben representadas, xa que ilustra todo o que vai contando o texto e podería guiarse o texto soamente cas imaxes.




venres, 24 de marzo de 2017

¡VOY A COMEDTE!

¡VOY A COMDEDTE!

Derouden, J-M (2013), ¡Voy a comedte!, ilust. Du Fay, Laure, España: Editorial Kókinos, 2da Edición, traducción de Miguel Angel Mendo, [36 pp.] (ISBN: 978-84-92750-86-3)
Breve descrición do formato e contido da obra: Album ilustrado que nos conta a historia dun lobo famento que ten un problema de dicción. Este lobo agóchase detrás dunha árbore esperando que se presente un prato de carne fresca, pero pasan dous coelliños que son moito mais listos que o lobo. Cambian a súa sorte convencendo ao lobo de que o seu problema de dicción é debido a un pelo que ten na lingua, e prometen arreglalo, o outro  coello axúdalle a cazar mellor, e finalmene o lobo perde os dentes petando contra unha árbore, e por todo isto, faise vexetariano.
As ilustracións teñen unhas cores con moitos contrastes, son grandes e expresivas, moi sinxelas e cunha paleta de cores moi reducida, moi parecidas aos dibuxos animados. O tipo de letra tamén xoga un papel moi importante, porque dependendo do tamaño,debe leerse con diferente intensidade.
Aparentemente, parece a típica historia do lobo malo que intenta comer a uns pobre animaliños, pero non ten nada que ver, e sorprende como discurre o conto, xa que o lobo é engañado polos coellos.
 
Potencialidades: Este libro trata de fondo unha dislalia selectiva, en concreto o rotacismo, pero sacándolle totalmente importancia, e contada dun xeito divertido, prestádose moito a historia para representar. Ademais, con este conto pódese traballar os medos que os nenos pequenos teñen, como neste caso, os coellos enfréntanse ao lobo que os vai comer.
É un libro moi indicado para iniciarse na lectura, xa que ten pouco texto, o que fai mais fácil leelo, sendo moi ameno porque apenas hai narración, case todo son diálogos.




UN PROBLEMA GRANDE


González, Xosé M. (2002), Un problema grande, ilust. Felix Eckardt,   Pontevedra, Kalandraka Editora,                     ISBN: (84-8464-128-7).





Breve descrición do formato e contido da obra: Volume ilustrado, de formato cadrado e de tapa dura. O texto xorde tanto nas páxinas pares coma nas imapares, cabe destacar as ilustracións as cales non están realizadas de maneira tradicional con ceras, senón que semellan estar feitas mediante a técnica do óleo. Na cuberta da obra aparecen un neno e o seu can debaixo dunha manta e semella que están xogando ás agochadas.



Este libro conta a historia dun neno que dun día para outro ten un irmán. Na historia vaise vendo as diferentes reaccións do protagonista con respecto deste novo suceso xunta ao seu inseparable can.








Pontecialidades: Os nenos e nenas poderán coñecer as diferentes emocións que xorden cando un neno ten un novo irmán e as consecuencias que isto conleva.
Na obra tamén se tratan temas como os da familia e as ganas de chamar a atención, así como a maduración das persoas froto do paso do tempo,  e tamén a capacidade de adaptarse ás diferentes circunstancias e as de aprender a convivir.


xoves, 23 de marzo de 2017

VESTIDA CO ARCO DA VELLA

Cortizas, Antón, (2008). Vestida co arco da vella, ilust. Spela Trobec, Ferrol: Embora, col. Fardeldossoños. (+ 3 anos), [20 pp.]. (ISBN: 978-84-95460-93-6).



Breve descrición do formato e contido da obra: álbum ilustrado narrativo escrito en verso con rima, de formato cadrado (21x21 cm), con pouca voluminosidade, tapa dura e encadernado con cartoné. A cuberta presenta, sobre un fondo de cor branca, a cara dunha nena á dereita e, á esquerda, unha serie de cores colgadas en vertical que semellan diferentes tipos de teas. Entre estas dúas cousas podemos ver o título da obra con letras en gran tamaño, mentres que na parte superior están o nome do autor e a ilustradora. Pola contra, a contracuberta ten un fondo máis impactante pola presenza, case na súa totalidade, da cor vermella.
O interior da obra presenta ilustracións orixinais e de calidade a toda páxina, con cores variadas e rechamantes representadas con distintas técnicas (colaxe, lápiz, acuarelas…), que completan o narrado polo texto. En case todas as páxinas, dependendo da cor da que se estea a falar, ésta aparece representada caso por completo. Os textos, en verso, están situados nas páxinas pares, impares ou en ambas. Neles xógase co tamaño das letras e utilízanse sobre todo as comparacións.
Ademais, as ilustracións, tal e como aparece na publicación O álbum na literatura infantil e xuvenil (2000-2010) de Blanca-Ana, Isabel Soto e Marta Neira (2011), poden chegar a emocionar ao lector máis novo pola beleza coa que están feitas e constrúen un código que provoca que o lector ou lectora teña que recodificar para así unir o código lingüístico co icónico nunha relación de complementareidade.
O contido trata dunha nena que vai describindo diversas prendas de roupa de diferentes cores comparándoas con elementos da natureza e obxectos cotiás. Ao mesmo tempo dinos que si algún día chegas a vestirte con algunha destas prendas, finalmente “ti a corda poderás choutar co arco da vella collido das mans”.

Potencialidades: é unha obra coa que os nenos e nenas poderán aprender fundamentalmente as cores, pero tamén diferentes prendas de roupa e adxectivos con máis facilidade grazas a axuda que nos proporcionan as rimas e comparacións, recursos que ao mesmo tempo favorecen a memorización e estimulan a concienciación fonolóxica ao presentar palabras con sons semellantes. Ademais, este último aspecto resulta imprescindible desenvolvelo dende os primeiros anos, pois é un prerequisito básico para posteriormente aprender a ler e escribir. Da mesma forma este conto pode ser moi útil para que se introduzan na lectura en lingua galega a medida que van aprendendo e aumentando o seu vocabulario para que sexa máis rico e variado.
Outro feito a destacar é que achega unha forma innovadora de que os cativos e cativas aprecien as cores, as obras artísticas e outras calidades das cousas a través das fermosas ilustracións, introducíndose así na linguaxe visual e comprendendo que unha imaxe ás veces pode dicir moito máis que mil palabras. 
A complementación dos textos coas ilustracións tamén é un bo modo de deixar voar a imaxinación, xa que a medida que se van pasando as páxinas e se vai narrando a historia comezan a aflorar na mente miles de escenas de como poderías estar vestido coas prendas descritas e choutando así co arco da vella. 
En definitiva, esta obra é un instrumento con múltiples utilidades coa que se pode traballar a través da súa lectura, complementando a mesma con expresións artísticas elaboradas polos nenos/as e mesmo coa elaboración dunha representación teatral.
Se queres saber máis só tes que coller este álbum e sumerxirte nel, pois non hai mellor forma de introducir aos neniños/as na lectura e na aprendizaxe que a través da diversión que podemos atopar no interior dun conto.

ESTRAMBÓLICOS

ESTRAMBOLICOS

Letria, André (2015). Estrambólicos, ilust. José Jorge Letria, Fraga: Ediciones la fragatina (ISBN: 978-84-942019-0-5)



Breve descrición do formato e contido da obra: Album ilustrado (15x25cm) con tapas duras e aneis que as suxeitan.
Este álbum contén dezaseis debuxos de seres estrambólicos, situados todos no lado dereito do libro, que á vez se poden dividir en tres, e coa axuda dos aneis, poden combinarse entre si, o que nos da catro mil noventa e seis estrambólicos. Na cuberta mostrase un dos estrambólicos como os que imos atopar no interior. 
Tanto a cuberta como as páxinas interiores son de un material mais duro para que se poidan manexar e que non se poidan romper fácilmente.
No lado esquerdo do libro podemos poñerlle nomes a cada estrambólico que formemos, e ademáis, temos unha breve descripción deste.
Ao cambiar a súa apariencia, tamén cambiamos o seu nome, e a súa descripción, por eso, non é só un xogo de apariencia, senón que incita a leer as súas características.

Potencialidades: Este libro non só é chamativo polas ilustracións, xa que podemos cambialas, senón que é moi interesante para aprender a leer para os mais pequenos, xa que ao cambiar a forma do estrambólico, cambia o nome. Pero ademáis, para os nenos que xa saben leer, poden verse as súas descripcións, facendo deste libro que sexa dinámico, e moi atractivo para os nenos. Poden manexalo dende os tres anos, pero tamén ata os 8-10 anos xa que a súa lectura se pode adaptar a diferentes idades.