mércores, 8 de marzo de 2017

ARTUR



González, Xosé Manuel (2011), Artur, ilust. Marc Taeger, Pontevedra: Kalandraka Editora, [26 pp.] (ISBN: 978-84-15250-11-1). 


Breve descrición do formato e contido da obra: É un álbum ilustrado de formato cadrado que mide 19cm x 19cm. Está encadernado en cartón duro e os seus cantos son redondeados. 







A cuberta e a contracuberta son de cor azul. A cuberta preséntanos o protagonista, un pito chamado Artur. Na parte superior da cuberta, en letras brancas atópase o nome do autor e o do ilustrador, Marc Taeger. Mentres que na contracuberta, atópase a cascara, cuarto do pequeno pito, xunto con dúas dedicatoria, o nome da editorial e o ISBN.

As ilustracións atópanse nas páxinas pares sobre un fondo branco, aínda que nalgunhas páxinas as ilustracións atópanse nas dúas páxinas. Son imaxes vivas, onde as formas, os trazos e os abundantes detalles chaman a atención. Na parte inferior das páxinas impares, atópase o texto, onde se conta a historia do pito Artur. 


Este pequeno relato conta a historia dun pito, chamado Artur, que estaba incómodo dentro do seu ovo. Artur sentíase a salvo dentro da cascara, ata que un día descubriu que vivía nun mundo enorme e descoñecido que se abría ante os seus ollos.  




 
Potencialidade: É un libro moi práctico para os nenos e nenas polo seu pequeno tamaño. Os docentes, dende o inicio da historia do pito Artur, poden tratar cos nenos e nenas o que senten eles mesmos, cales son os seus medos e inseguridades. Narrase unha historia moi sinxela e con esta obra pódese fomentar a tenrura e traballar valores como a perseveranza, a forza de vontade, pero sobre todo a superación persoal. Ademais, con este conto pódese ensinarlle aos nenos e nenas cales son os animais que nacen de ovos, como foi o caso do pito Artur.





1 comentario:

  1. Penso que a través deste libro lle podemos mostar aos nenos e nenas dunha maneira moi sinxela e simple a partir dos debuxos que vemos nas ilustracións e a través da lectura que a través do esforzo e da perseveracia todos podemos chegar as nosas metas.

    ResponderEliminar