sábado, 4 de marzo de 2017

QU´Y A-T-IL DANS TA COUCHE?



     Van Genechten, Guido (2009),  Qu´y a-t-il dans ta couche?, Paris: Albin Michel Jeunesse,  [32pp.] (ISBN: 978-2-226-18639-39).

Breve descrición do formato e contido da obra: É un álbum ilustrado de formato cadrado que mide 257mm x 267mm. Está encadernado en cartón duro cunha capa de pintura vernizada polas dúas caras.
Na cuberta aparece o título, situado na parte superior, dentro dun bocadillo. Xusto debaixo do título atópase unha ilustración do protagonista, bebé Souris, e tamén o nome do autor máis do editor, Albin Michel Jeunesse. Este é o fundador da Editorial Albin Michel con sede en Francia. Mentres que na contracuberta, situado na parte superior atópase a sinopse do conto xunto co ISBN nun fondo de cor amarelo. No interior, o texto está tanto nas páxinas pares como nas impares. A narración desenvolvese en francés.

As ilustracións están representadas por diferentes bebés animais: un coelliño (bebé Lapin), un año (bebé Chèvre), un cadeliño (bebé Chien), un tenreiro (bebé Vache), un poldro (bebé Cheval) e un porco (bebé Cochon).


As cores dos debuxos son vivas e os detalles están moi marcados, acordes ca narración do conto. Son imaxes con moitas cores; na parte superior de cada páxina predomina unha cor branca, onde se atopa a historia narrada, mentres que na parte inferior, predomina a cor verde e marrón que se identifica cos distintos tipos de solo.O cueiro de cada bebé, ábrese mediante unhas pestanas, para atopar os distintos tipos de excrementos.

  
O contido da obra trata sobre una cría de rato. Bebé Souris é moi curioso e quere saber todo, incluso o que levan os seus amigos no seu cueiro. Bebé Souris non deixa de preguntarlles: “Dime, ¿qué llevas en tu pañal?”. Todos os animais  dan a coñecer as súas obras. Finalmente, cando os animais piden ver o que leva bebé Souris no seu cueiro, il ensínalle que non ten nada, porque usa un inodoro para as súas necesidades.




Potencialidade: É un conto bastante humorístico e entrañable que ademais pode axudar aos nenos e nenas no proceso de deixar de usar o cueiro cando son pequenos/as e tamén aprenden a limpeza. Os nenos e nenas estarán orgulloso de usar un urinario e non manchar o seu cueiro. A interacción da obra fai que os nenos e nenas se aferren a historia de bebé Souris. 
 
Outra das potencialidades a destacar é que os nenos e nenas desde moi cativos poden aprender un idioma estranxeiro, como é o caso do francés. O contido da obra é de fácil comprensión. 

A finalidade é axudarlle aos nenos e nenas a desenvolver as súas capacidades básicas, dende que son moi cativos.


Ningún comentario:

Publicar un comentario