sábado, 29 de abril de 2017

Brinca Vai!



Brinca Vai!



Nogueiras, Paco (2014), Brinca Vai!, ilust. David Pintor, vídeo Jóse Miguel Sagüillo, Kalandraka Editorial [56 pp.] (ISBN: 978-84-8464-877-2)


Breve descripción do formato e contido da obra:   É un libro en formato libro-cd-dvd sen recantos redondeados e de tapa dura. Este magnífico libro ilustrado por David Pintor, trata a portada usando a figura de Paco Nogueiras co seu característico sombreiro e as súas gafas. O libro lúcese na presentación e, en concreto, na maquetación divertida e sobria á vez. O contido da obra recolle 12 cancións, no que Paco Nogueiras interpreta cancións basadas en temas da natureza, os xogos tradicionais, o as festas dende o entroido ao Nadal, pasando polo Samaín ou o magosto. Un libro para ler, ver e escoitar, con distintos estilos musicais: techno, rock, folk e reggae, cantando e bailando ritmos contemporáneos de xeito lúdico.
O traballo complétase cun DVD de Sr. Sagüillo, que conecta directamente coa última parte do libro na que se lles explica aos nenos e nenas como facer o seu propio video-clip incluso usando as bases que veñen ao final do CD sen voz para facer karaoke- DVD no que Paco enche coa súa simpatía todos os vídeos e que ademais teñen unhas animacións e unha produción moi ben feitas.




Potencialidades: É un proxecto moi ben traballado cunha pedagoxía estructurada de maneira moi creativa. Encantame a maneira coa que os nenos poden disfrutar de manera disfrutar dos ritmos, as verbas, a expresión, o simbolismo, e sobre todo a cultura educativa que desprende con cada canción. Destaca o traballo e o esforzó por crear recursos educativos tan ben coidados e cheos de tanta tradición e vida galega. A proposta de Paco Nogueiras e moi divertida xa que as cancións sirven para traballar diferentes festividades con diferentes estilos musicais.
A liberdade creativa é a principal característica das composicións, escritas e interpretadas por Paco Nogueiras cun amplo abano de estilos e contrastes, dende o techno e o rock, pasando polo reggae ou a música electrónica, con influencias tradicionais. En “Brinca Vai!” abórdanse temas incluídos no currículo escolar, as estacións, a natureza, a lectura, a amizade, os xogos e as celebracións populares, así desta maneira os nenos poderán potencialos. Seguindo o espírito lúdico e humorístico das composicións, as ilustracións de David Pintor destacan tamén polo seu ton trouleiro, caricaturesco e transgresor da realidade, con imaxes de moito colorido, expresividade e dinamismo nas que aparece representado un alter-ego do intérprete ataviado co seu característico chapeu azul.
Os vídeos elaborados por Sr. Sagüillo complementan o carácter audiovisual deste traballo, co propósito de achegar ao eido educativo un material útil para a formación do alumnado. É unha proposta de lectura, expresión musical e corporal, creatividade artística e aprendizaxe global en clave de diversión, que non remata coa publicación da obra, senón que busca a interacción e deixa aberta a porta á implicación do público escolar e familiar.





Ningún comentario:

Publicar un comentario