domingo, 30 de abril de 2017

MI ABUELO

ALTÉS, Marta (2012), Mi abuelo, Madrid: Macmillan Iberia, S.A., (+ de 3 anos), [ 26 pp.], (ISBN: 978-84-15-42-697-4).



Breve descrición e contido da obra: álbum ilustrado en formato cadrado de 26.5x26.5 cm. As cubertas son de cartón duro. A cuberta dianteira, cun fondo branco, móstranos unha ilustración de dous osiños da man, un vello e un cativo, avó e neto; na parte superior o título do conto e na parte inferior o nome da autora. Na contracuberta observamos debuxos de paxariños e unha oración extraída do contido interior, ademais dunha pequena biografía da autora. Nas gardas iniciais e finais ilústrase un bosque en cores vermello, marrón e negro sobre fondo branco. Do mesmo xeito, o contido do álbum tamén está ilustrado nestas cores, as que nos fan adentrarnos nunha paisaxe outonal e melancólica. Cada páxina contén un pequeño texto sinxelo e unha imaxe que lle da sentido e trasmite os sentimentos dos protagonistas.

                                       
O conto presenta unha historia da vida cotiá, na que un pequeno oso vaise facendo consciente do paso da vida, e coma o seu avó vai envellecendo. Trasmite unha bonita historia de amor entre os dous personaxes, avó e neto, e coma un nútrese do outro para ser felices.

Potencialidades: marabillosa forma de facer ver aos nenos e nenas o paso do tempo, o ciclo da vida e o amor polos seus seres queridos. A lectura trasmite moita ternura e amor, e pode ser unha boa opción para traballar cos nenos e nenas de educación infantil unha situación da vida cotiá, na que os avós co paso dos anos van perdendo a memoria e como eles poden contribuir a facerlles a situación moito máis doada. Ademais dos valores, podemos traballar as emocións.



Ningún comentario:

Publicar un comentario